AHLI IYMON!

Информация о пользователе

Привет, Гость! Войдите или зарегистрируйтесь.

Вы здесь » AHLI IYMON! » AQIDA » Ният хакида

Ният хакида

Страница: 1

Сообщений 1 страница 3 из 3

1

  • Автор: muslima99
  • Администратор
  • Зарегистрирован: 2008-12-07
  • Приглашений: 0
  • Сообщений: 10
  • Уважение: [+0/-0]
  • Позитив: [+0/-0]
  • Провел на форуме:
    59 минут
  • Последний визит:
    2008-12-09 06:50:40

Ният хакида                       

      Бир нарсани касд килишга, хохлашга ният килиш дейилади. Аллох таоло Исро сурасининг 84-чи оятида бундай дейди:
   { قل كل يعمل على شاكلته }                        (الإسراء : 84)
Маъноси: «Айтинг, хар бир киши ниятига, холатига караб амал килади. Яхши ва солих инсонлар факат Оламлар Роббиси розилигини излаб, яхши ният ила эзгули амаллар килиб ўтса, фосик ва хор бечоралар одамларнинг кўришлари учун гам чекиб, бузук нафсларининг  хохишига муносиб амаллар, маъсиятлар килиб ўтади”.  (Ас-Саъдий тафсири асосида оят баён килинди).

  عن عمر بن الخطاب رضي الله عنه قال: سمعت رسول الله صلى الله عليه و سلم يقول:" إنما الأعمال بالنيات، و إنما لكل امرئ ما نوى: فمن كانت هجرته إلى دنيا يصيبها، أو إلى امرأة ينكحها، فهجرته إلى ما هاجر إليه"                   (رواه البخاري :1)

Маъноси: Умар бин Ал-Хаттобдан (Аллох бу кишидан рози булсин) ривоят килинади, айтадиларки: Расулуллох صلى الله عليه و سلم   дан эшитдим, Ул зот айтдиларки: «Амаллар факат ниятлар билан эътиборга олинади. Хар бир кишининг факат ниятига каралади, сўнг унга мукофот ё азоб берилади. Кимки, молу-дунё топиш учун бир юртдан бошка юртга кўчган бўлса, уни топади ёки уйланиш максадида хотин кидириб борган булса, турмуш куради. Демак инсон нима нарса учун хижрат килган булса, максадига мувофик унга муомала килинади».         
   Мазкур хадисдан шу нарса маълум бўладики, муъмин киши бир амал килишидан олдин, унинг хукми тугрисида билим хосил килиши лозим. Шундан кейин ният килиб уни амалга оширади. Билмасдан туриб амал килиши тўгри эмас. Шунинг учун хам мажнуннинг амали кабул булмайди. Сабаби, у билмасдан ва фахмламасдан амал килади. Шундай экан, инсон билмаган нарсасига хам ният килиши тугри эмас. (Фатхул-Борий асосида).

   Имом Ахмад Абдуллох бин Масъуд رضي الله عنه  дан ривоят килади, Расулуллох صلى الله عليه و سلم  айтадилар:
      "إن أكثر شهداء أمتي أصحاب الفرش و رب قتيل بين الصفين الله أعلم بنيته"      (رواه أحمد)

0

2

  • Автор: muslima99
  • Администратор
  • Зарегистрирован: 2008-12-07
  • Приглашений: 0
  • Сообщений: 10
  • Уважение: [+0/-0]
  • Позитив: [+0/-0]
  • Провел на форуме:
    59 минут
  • Последний визит:
    2008-12-09 06:50:40

Маъноси: “Хакикатда умматим шахидларининг аксарияти тўшакда вафот этган кишилардир. Икки саф орасида катл килинган кишида нима ният бўлганини Аллох билгувчирок.

   Ибни Можах Жобир бин Абдуллох رضي الله عنهما  дан ривоят килади, Расулуллох صلى الله عليه وسلم бундай дейдилар:
       " يحشر الناس على نياتهم "       (رواه ابن ماجه)
Маъноси: “ Одамлар Киёмат кунида ниятларига караб тирилади”.

   Ахмад ва Ибни Можах Зайд бин Собит رضي الله عنه  дан ривоят килишади, Расулуллох صلى الله عليه و سلم  айтадиларки:
        " من كانت همه الدنيا فرق الله شمله و جعل فقره بين عينيه و لم يأته من الدنيا إلا ما كتب له، و من كانت الآخرة نيته جمع الله له أمره و جعل غناه في قلبه و أتته الدنيا و هي راغبة"        (رواه أحمد و ابن ماجه و هذا لفظ ابن ماجه).     
Маъноси: “Кимники гами дунё йигиш бўлса, унинг йикканини Аллох таркатиб юборади ва камбагаллигини унинг икки кўзи орасига ўрнаштириб кўяди. Бундай кимсага факат унинг такдирига ёзиб кўйилган ризкгина келади. Кимники нияти охират бўлса, Аллох унинг ишини жамлайди ва унинг бойлигини калбига жойлаштириб кўяди. Дунё унга рагбатланиб келади”.   

             
    Муторриф бин Абдуллох رضي الله عنه дан ривоят килинади, айтадиларки:
      " صلاح القلب بصلاح العمل و صلاح العمل بصلاح النية"
“Калбнинг салохияти амалнинг салохияти туфайли бўлади. Амалнинг салохияти эса ниятнинг салохияти сабабли бўлади”.

   Абдуллох бин Ал-муборак   رحمه الله бундай дейдилар:
       " رب عمل صغير تعظمه النية و رب عمل كبير تصغره النية "
“Баъзан кичик амални яхши ният улкан амалга айлантиради. Гохида катта амални яхши килинмаган ният кичиглаштириб кўяди”.

    Ибн Ажлон رحمه الله  эса айтадики:
        "لا يصلح العمل إلا بثلاث التقوى لله، و النية الحسنة، و الإصابة "
“Амал факат куйидаги уч нарса билангина дуруст бўлади: Аллох учун такво килиш, чиройли ният ва амални шариатга мувофик тўгри адо этиш”.
 
    Ал-Фузайл бин Иёз رحمه الله  бундай дейди:
        " إنما يريد الله عز و جل منك نيتك و إرادتك "
“Аллох азза ва жалла сендан факат ниятинг ва хохишингни яхши бўлишини истайди”.

0

3

  • Автор: muslima99
  • Администратор
  • Зарегистрирован: 2008-12-07
  • Приглашений: 0
  • Сообщений: 10
  • Уважение: [+0/-0]
  • Позитив: [+0/-0]
  • Провел на форуме:
    59 минут
  • Последний визит:
    2008-12-09 06:50:40

Азиз мусулмон биродарлар! Юкоридаги маълумотлардан ниятнинг качалик ахамити улуг эканлиги маълум бўлди. Зеро, ният хакидаги Умарнинг юкорида ўтган хадисини Ахмад бин Ханбал رحمه الله  Ислом асосларининг учдан бири деб бахолаган.
{ فمن كان يرجوا لقاء ربه فليعمل عملا صالحا و لا يشرك بعبادة ربه أحدا} (الكهف: 110)
Маъноси: “Кимда ким Роббиси билан учрашишни, Ул зотдан мукофот олишни умид килган бўлса, Аллохнинг шариатига мувофик келадиган солих амал килсин ва Роббисига ибодат килишида бирор кимсани шерик килмасин, яъни ибодатини одамларга кўрсатишни ният килмасин.
   Мана шу оятга кўра Аллох таоло хузурида ибодатнинг кабул булишида иккита шарт бор:         1. Факат Аллохнинг розилигини ният килиш. 2. Шариатга буйин эгиб, Куръон ва суннатга мувофик амал килиш.
   Хурматли биродарлар! Гунохмас бир ишни килишингиздан олдин, яхши ният килсангиз, шу амалингиз хам ибодатга айланиб, бу учун Аллох хузурида ажр оласиз. Хатто оилавий муомала килишингизда хам. Расулуллох صلى الله عليه و سلم   Абу Зарр رضي الله عنه  ривоят килган хадисда бундай дейдилар:
  " و في بُضع أحدكم صدقة"، قالوا يا رسول الله، أيأتي أحدنا شهوته و يكون له فيها أجر؟ قال: "أرأيتم لو وضعها في حرام، أكان عليه وزر؟ فكذلك إذا وضعها في الحلال كان له أجر".
Маъноси: «Сизлардан бирингиз яхши ният билан аёлига якинлик килса, садака булиб унинг ажрини олади», дедилар Расулуллох صلى الله عليه و سلم  . Ё Расулаллох, бизлардан биримиз шахватини кондириш учун аёлига якинлик килганида хам ажр оладими?, деб сахобалар савол беришганда, Ул зот бундай жавоб бердилар: «Айтингларчи, агар шахватини харом йулда кондирганда унга гунох булармиди?! Шунингдек, халол йулда кондиргани учун унга мукофот берилади».     
    Азизлар! Бу рисоламиздаги илмни яхши ният  билан ўзлаштиришингизни ўзида, Сизларга савоб ёзилади. Амал килганингизда эса, Аллохнинг изни билан хар бири учун ўнтадан етти юзтагача ва туп-туп хасанотлар ёзилажак.
 
Аллох таоло барчамизга яхши ният билан солих амаллар килишимиз учун тавфик берсин!                 
Омин!

    Мавзуни тайёрлашда Имом Ал-Бухорийнинг «صحيح البخاري» ва унга шарх ёзган Асколонийнинг «فتح الباري» китоби, Ахмад бин Ражаб Ал-Ханбалийнинг “جوامع العلوم و الحكم “ китоби ва Абдуррохман Ас-Саъдийнинг тафсир китобидан фойдаландик.

0

Страница: 1

Вы здесь » AHLI IYMON! » AQIDA » Ният хакида